OKB: Rrethimi i Palestinës shkel ligjin ndërkombëtar/ Hamasi: S’ka negociata

Rrethimi total i Gazës është “i ndaluar” nga ligji ndërkombëtar humanitar. 

Ky është paralajmërimi i Kombeve të Bashkuara për Izraelin.

Ka “deri në 150 pengje në Gaza”. Kështu u shpreh ambasadori izraelit në Kombet e Bashkuara, Gilad Erdan, siç raporton BBC . 

“Midis 100 dhe 150” pengje mbahen në Gaza pasi u rrëmbyen nga Izraeli, theksoi diplomati izraelit.

Hamasi nuk do të mbajë “diskutime për të burgosurit dhe pengjet e mbajtura nga forcat e rezistencës” deri në fund të fushatës ushtarake. Kështu ka thënë lideri politik i Hamasit, Ismail Haniyeh, siç raporton Haaretz.

Ndërkohë Ambasadori izraelit në Romë, Alon Bar, e ka shkruar në rrjetet sociale: “Ditët e fundit na kanë treguar se nuk kemi zgjidhje tjetër: duhet t’i japim fund kontrollit të Hamasit mbi Gazën dhe aftësive të tij ushtarake për të eliminuar kërcënimin ndaj Izraelit.