Zyra e Kombeve të Bashkuara për të Drejtat e Njeriut ka akuzuar ushtrinë izraelite se “vazhdon të vrasë civilë” në zonat pranë vijave të ripozicionimit në Rripin e Gazës, pavarësisht thirrjeve për armëpushim.
Ushtria izraelite (IDF) deklaroi dje se ka hapur zjarr ndaj “disa të dyshuarve”, por autoritetet shëndetësore në Gaza thanë se të paktën gjashtë persona janë vrarë në dy incidente të ndara.
Në reagimin e tij, Ajith Sunghay, kreu i Zyrës së OKB-së për të Drejtat e Njeriut në territoret palestineze, kërkoi që të garantohet respektimi i armëpushimit dhe mbrojtja e civilëve:
“Është e domosdoshme që përpjekjet për rimëkëmbje dhe rivendosjen e rendit publik të jenë në përputhje me ligjin ndërkombëtar dhe të drejtat e palestinezëve për vetëvendosje.”
Kombet e Bashkuara kanë paralajmëruar se vrasjet e civilëve në Gaza rrezikojnë përshkallëzimin e mëtejshëm të konfliktit dhe minojnë çdo mundësi për paqe të qëndrueshme në rajon.
Discussion about this post