Olaf Scholz infektohet me COVID19, ja gjendja shëndetësore e tij

Kancelari gjerman Olaf Scholz ka rezultuar pozitiv me COVID19.  Informacionin e ka konfirmuar zëdhënësi i qeverisë, Steffen Hebestreit.

Sipas agjencisë së Lajmeve të Gjermanisë, Scholz është izoluar në banesën e tij që ndodhet në godinën e Kryeministrisë.

Duke informuar se Scholz tregoi simptoma të lehta të ftohjes, Hebestreit tha se takimet publike të kryeministrit Scholz të planifikuara për këtë javë u anuluan, por Scholz donte të merrte pjesë online në takimet me kryeministrat e shteteve dhe takime të tjera të brendshme.

Scholz kishte vizituar Arabinë Saudite, Emiratet e Bashkuara Arabe dhe Katarin më 24-25 shtator.

Nga ana tjetër, ministrja e Brendshme gjermane, Nancy Faeser, konfirmoi në Tëitter se u prek me COVID-19 dhe i këshilloi të gjithë t’i kushtojnë vëmendje vetes në sezonin e vjeshtës.