Oleksandr Usyk mbetet kampion bote në peshat e rënda (WBA, WBF dhe IBF) në boks, pasi mundi me vendim të gjyqtarëve (2-1) britanikun Anthony Joshua.
Të dy boksierët qëndruan në këmbë për 12 raunde dhe dy prej gjyqtarëve ia dhanë pikët (115-113, 116-112) boksierit ukrainas, kurse tjetri britanikut (115-113).
Dueli mes Usyk dhe Joshua ishte i ekuilibruar, sidomos në pesë raundet e para. Më pas ukrainasi pati një epërsi të lehtë, pavarësisht goditjeve në trup që dha Joshua.
Në fund Usyk, 35 vjeç, mbeti i pamposhtur dhe çoi në 20 numrin e fitoreve. Për Joshua kjo është humbja e tretë në karrierë dhe e dyta kundër ukrainasit, i cili ia dedikoi fitoren vendit të tij që është përfshirë në konflikt ushtarak me Rusinë.
Discussion about this post