Bashkitë e vogla janë të zhytura në borxhe dhe kryejnë pak investime, por gjithsesi i gjejnë paratë kur vjen puna për të qerasur Shefqet Kastratin. Një gjë e tillë ka ndodhur në Bashkinë Delvinë. Me datë 9 mars 2023, kryetarja Majlinda Qilimi ka lidhur një kontratë abuzive me Kastratin. Qilimi ka blerë naftë për makinat e stafit, se do iu duhet të lëvizin më shumë gjatë fushatës zgjedhore.
Tenderi ka vlerën 90 milionë lekë, fond limit që i është “caktuar” nga Kastrati. Këtë e vërtetojnë shkeljet ligjore në të cilat është nënshkruar kontrata. Së pari, tenderi është dhënë pa garë, duke mos respektuar rregullin për konkurrencë dhe transparencë të prokurimeve.
Në dokument duket që vetëm firma KASTRATI Sh.p.k ka paraqitur ofertë gjatë prokurimit. Kështu kryebashkiakja ia ka vulosur fitoren pa zhvilluar garë fare.
Sakaq, evidentojmë se vlera e ofertës së paraqitur nga Kastrati është 8 939 103,00 lekë, afërsisht 90 milionë lekë të vjetra. Një ofertë sa 100% e fondit limit, çka përbën një tjetër shkelje dhe ngre dyshime për abuzim me fondin e caktuar.
Open Data e ka renditur këtë prokurim në listën e tenderëve me “Red Flag”. Që do të thotë se ka alarm për abuzimin me fondet publike dhe cenohet konkurrenca.
Në fakt, ashtu sikur ka denoncuar shpesh herë Gijotina.com, Shefqet Kastrati çdo tender, në çdo institucion e merr pa garë dhe ua cakton vetë vlerën e fondit limit.
Konkretisht në vitin që lamë pas, 22 kontrata të Kastratit kanë qenë pa garë.
Ndërkohë vlen të shtojmë se në total, në 3 vitet e fundit, vetëm me firmën “KASTRATI Sh.p.k”, biznesmeni Shefqet Kastrati ka përfituar 10 miliardë lekë të reja transaksione nga Thesari i Shtetit.
Në tabelë shihet se ai ka përfituar tenderë nga të gjitha bashkitë dhe institucionet publike. Por, pavarësisht këtyre fakteve që mund të gjenden lehtë dhe tregojnë se kemi të bëjmë me shkelje ligji, Prokuroria e Posaçme nuk gjen kohë të hetojë Kastratin.
Lexo edhe: Llatja prishet me Kastratin dhe Gegën, i fal tenderin 300 mln lekë një firme të re
Discussion about this post