Skuadra olimpike e Shqipërisë ka mbërritur në Paris në prag të turnout madhor, por atletja kampione e Evropës, Luiza Gega vijon të përgatitet në prag të garës së saj.
Stërvitjet i zhvillon në qytetin e Korçës, konkretisht në fshatin turistik të Dardhës, ndërsa synon të dhurojë një tjetër paraqitje pozitive në garat ndërkombëtare
Kjo do të jetë pjesëmarrja e 3-të e Gegës në lojërat olimpike, por natyrisht emocionet janë të mëdha.
“Kam garën time të parë në Paris, më 4 gusht. Është aktiviteti më i madh, të gjithë sy e vesh atje, ndjej presion. Jemi vend i vogël, pak sportistë kështu që rritet presioni dhe përgjegjësia. Po bëj maksimumin, lojërat olimpike janë ëndërr, por objektivi im është të jem më mirë se olimpiada e kaluara.” –tha atletja.
Në një kompeticion të tillë konkurrenca është e madhe.
“Kjo është olimpiadë, nuk është europian. Kur je kampion Evrope, të gjithë të shohin si konkurrente e fortë, por mos harrojmë etiopiane, keniane që janë kandidatet më të fortë, po ashtu dhe Amerika.” –u shpreh më tej Gega.
Për Luizën Korça ofron kushtet për tu stërvitur, por jo në 100% e nevojitur.
Shqipëria merr pjesë me 2 atletë në loëjrat olimpike, Luiza Gega dhe Franko Burraj, ndërsa në total janë 8 sportistë duke përfshirë dhe mundjen, notin dhe qitjen.
Discussion about this post