Olimpiakos është fituesi i “Conference League” duke u bërë skuadra e parë në historinë e futbollit grek që bënë për vete një trofe europian. Edhe pse nuk konsideroheshin favoritë ndaj Fiorentinës, Olimpiakos besoi deri në fund dhe pas 120 minutash lojë arriti të fitojë 1-0 në stadiumin “Agia Sofia” të Athinës.
Një ndeshje me shume pak emocione nga të dyja skuadrat kishin frikë se mos pësonin gol. Mundësinë më të mirë e kishin italianët në pjesën e dytë me Kouame por ky i fundit gaboi në goditjen finale. Në shtesë, ishin grekët ata që diktonin lojë dhe në minutën e 115, ishte ai heroi i takimit, golashënuesi i skuadrës, El Kaabi që i siguroi Olimpiakosit dhe trofeun e parë ndërkombëtar në histori.
Ndërkohë për Fiorentinën, një tjetër finale e hidhur në Conference league. Pas disfatës një vit më parë në finale nga West Ham, edhe këtë sezon, Fiorentina largohet kokëulur nga ky kompeticion. Për trajnerin e Olimpiakosit, Mendilibar ky është suksesi i dytë radhazi europian.
Një vit më parë mposhti Romën, në finalen e “Europa League”, kur drejtonte spanjollët e Sevilla dhe mesa duket është kthyer në një mace të zezë për ekipet italiane, dy finale europiane në dy vitet e fundit dhe tek të dyja ka fituar.
Discussion about this post