Olsi Bykyku u largua nga reality show i Big Brother Vip3 në mënyrë të papritur mbrëmjen e së shtunës.
Vetë aktori shfaqi habi, madje u hutua, kur Ledjon Liço përmendi emrin e tij dhe i kërkoi të linte shtëpinë.
Gjithashtu vendimi habiti jo pak banorë të tjerë të spektaklit, ndërsa shpresohej se kjo do të ishte një lojë e produksionit.
Duket se vendimi i largimit nga shtëpia e BB VIP3 nuk është pritur mirë nga Olsi, i cili nuk ka pranuar të marrë pjesë as në BB Fan Club të dielën. Gjithashtu ai ka fshirë nga Instagrami i tij të gjitha fotot që ishin postuar gjatë qëndrimit në shtëpi.
Në rrjet qarkullojnë aludime se largimi i Olsit ka ardhur pasi në diskutime të ndryshme nëpër shtëpi, ai ka reklamuar disa herë producentë dhe studio të ndryshme, diçka që nuk është e lejuar.
Dikush shprehet se e ka ndjekur programin përgjatë gjithë ditëve dhe e ka dëgjuar disa herë Olsin të reklamojë producentë dhe studio muzikore.
Discussion about this post