Olti Curri ka reaguar ndaj daljeve të kryebashkiakut Erion Veliaj, në të cilat shfaqet duke gatuar. Ai shkruan se në bashki ka vetëm njerëz që kujdesen për imazhin e Veliaj dhe se imazhi i tij nuk mund të shpëtohet me një fërgesë me gjizë e domate.
Ai shkruan se Veliaj është i zhytur në korrupsion, leje ndërtimi, beton dhe në afro 186 milionë euro të aferës së inceneratorëve.
“Njerëzit qe merren me imazhin e atij qe ka zaptuar bashkinë dhe Tiranën, nuk e shpëtojnë dot me një fërgese me domate e gjize figurën e rrënuar te zhytur ne korrupsion, leje ndërtimi, betonizim, dhe afro 186 milionë euro te inceneratorëve. Ky shërbëtor i prokuroreve dhe mafiozeve te ndërtimit nuk ndreq dot imazhin e tallësit te gazetareve te vetëvrarë me muzike dhe gatime tironse. Po ta donte Tranën ky mashtrues serial, do i ruante ndërtesat historike pa i djegur, do ruante parqe e lulishte qe ta shihnin te gjithë bukurinë e Tiranës, por ky e urren Tiranën, por s’ka ç’ti beje se duhet tja pije gjakun dhe ta hedhe tej kryeqytetin tone fisnik. Por zgjedhjet lokale janë afër, kujdes kur voton (gjithkush qe do jete ne gare përveç mashtruesit do jete shpëtim për Tiranën) se ndryshe mallkimi i ketij qyteti pa faj do te bjere mbi ty”, ka shkruajtur blogeri përkrahë videos.
Kujtojmë që para disa ditësh kryebashkiaku Erion Veliaj bërë një deklaratë të “çmendur” teksa foli për fluksin e ndërtimeve në Tiranë ku tha se kush është kundër mund të hidhet nga ballkoni, pasi sipas tij askush nuk mund t’i vendosë gjoba Bashkisë.
“Ne do të na keni përballë përherë, por gjoba me ne dhe histori makabre, të tilla si e vrau ky apo e vrau ai këtu, në Sukth apo Sri Lanka, nuk funksionojnë. Ua them këtë, për gjobaxhinjtë, se Tirana do të rritet. S’mund të themi duam turistë, por nuk kemi hotele, apo dua arsim profesional, por s’kam vende pune. Do hotele? Do i ndërtosh. Do arsim profesional? Do i gjesh vendin ku do të punojnë se s’ka se si të ndodhë ndryshe. Ne te kjo çështja e gjobave nuk pyesim. Bëj ç’të duash, hidhu edhe nga ballkoni po deshe, siç po ndodh me këta të lajmeve të rreme dhe shpifjeve. Te ne funksionon: Më pyet, të përgjigjem, por me gjoba jo. Ua them këtë që të dini se çfarë vjen, nga tani deri në zgjedhje do të keni vetëm gjoba”, ka thënë Veliaj.
Po ashtu përmendim se një ndër kritikët e tij, gazetari Kastriot Myftaraj ka ndërruar jetë duke u hedhur nga ballkoni dhe mënyra si është shprehur Veliaj është në një farë mënyre “gëzim” dhe sulm për të ndjerin.
Discussion about this post