Operacioni i shtrirë në disa qytete të vendit, ku në rrjetën e përgjimeve dolën dhe emrat e Oltion Bistrit, specialistit të Drejtorisë së Krimeve të Rënda, Pëllumb Gjokës apo dhe emri i anëtarit të bandës kriminale të Bajrëve, Astmer Bilali.
Sipas burimeve, kemi të bëjmë me dy ngjarje: Vrasjen e Bardhok Pllanajt dhe zhdukjen e Ervis Martinajt.
Edhe pse aktualisht është i zhdukur, në kuadër të këtij operacioni Ervis Martinaj është shpallur në kërkim.
Sa i përket emrave të lartpërmendur, burimet thonë se kanë ndikuar në fshehjen e provave, akuzë e drejtpërdrejtë për Oltion Bistrin, ndërkohë në rrjetën e përgjimeve kanë dalë dhe emrat e tjerë.
Bëhet fjalë për një disk që dyshohet se e ka zhdukur Oltion Bistri lidhur me vrasjen e Bardhok Pllanajt, por ka dyshime të forta se ka ndikuar dhe në fshehje të provave apo informacioneve edhe për çështjen e të shumëkërkuarit Ervis Martinaj.
Pra, Oltion Bistri akuzohet për fshirje gjurmësh vrasjesh, por edhe fshehje provash.
Discussion about this post