Mjeku shqiptar në Arezzo të Italisë, Genc Kapxhiu, ka folur sot për situatën në vendim fqinj dhe të dhënat e deri më tanishme rreth variantit të ri të “Omicron”. Sipas tij, e gjithë Italia prej mëngjesit të së hënës është futur në një kontroll të rreptë. Qytetarët nuk mund të lëvizin lirshëm dhe gjatë lëvizjes duhet të jetë të pajisur me certifikatë të vaksinimit apo me kartën e gjelbër.
Sakaq, ai shprehet se akoma nuk ka një studim konkret lidhur me efektin e vaksinave ndaj këtij varianti, por mbetet mundësia më e mirë për t’u mbrojtur. Ndërsa tregoi se rastet me “Omicron” të raportuara nuk janë të rënda. “Është e vërtetë që nuk ka një lloj studimi qe demonstron që vaksina nuk i përgjigjet variantit Omicron, është shpejt të flasim, sepse duhet të kemi fakt të qartë se në Afrikën ka dhënë efikasitet. 13 rastet që kemi në Itali nuk kanë qenë raste të rënda, vaksinimi mbetet e vetmja siguri për tu mbrojtur nga infektimi”, tha ai.
Sipas mjekut Kapxhiu, edhe në Itali ka pasur raste të të riinfektuarve për personat që e kanë kaluar Covid dhe se prevalon imuniteti natyral nga ai artificial.
Discussion about this post