Organizata Botërore e Shëndetësisë tha se varianti i ri Covid, Omicron është zbuluar në 38 vende, por nuk ka asnjë vdekje të raportuar deri më tani nga ky variant.
Zëdhënësi i OBSH-së, Christian Lindmeier tha gjithashtu se është “e lavdërueshme” që prodhuesit e vaksinave COVID-19 po planifikojnë “mundësinë” e nevojës për të rregulluar produktet e tyre për t’u mbrojtur kundër variantit Omicron.
“Unë nuk kam marrë asnjë informacion se ka vdekur ndonjë person që ishte infektuar me Omicron”, tha Christian Lindmeier, një zëdhënëse e organizatës me bazë në Gjenevë.
Maria Van Kerkhove, menaxhere teknike e OBSH-së për COVID-19, tha se Omicron ishte zbuluar në 38 vende dhe se varianti ishte përhapur në gjashtë rajone të OBSH-së. Organizata vlerëson se do të duhen disa javë për të marrë një pamje më të saktë të efekteve të mundshme të Omicron.
Sipas statistikave të OKB-së, rreth 65 për qind e popullsisë së vendeve më të zhvilluara kanë marrë të paktën një dozë të vaksinës kundër COVID-19, krahasuar me vetëm 7 për qind në vendet më pak të zhvilluara.
Discussion about this post