Varianti Omicron po fut në rrezik Kosovën, pasi ka rritur në masë numrin e të infektuarve. Sipas të dhënave të publikuara nga Ministria e Shëndetësisë atje në 24 orët e fundit janë kryer 11.883 testime, nga të cilët 3.206 qytetarë kanë rezultuar pozitiv.
Fatmirësisht, gjatë 24 orëve të fundit nuk është shënuar asnjë rast i vdekjes. Sakaq, në 24 orët e fundit janë dhënë 4.620 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.742.039 doza të vaksinës Deri më sot 800.754 qytetarë janë vaksinuar me dozën e dytë. Deri më sot janë dhënë 44.143 doza përforcuese dhe 7.866 doza të treta të vaksinës kundër COVID-19. Bëhet me dije se, sot janë shëruar 357 qytetarë, derisa numri i përgjithshëm i të shëruarve është 160.247. Në total numri i rasteve aktive është 15.247.
Discussion about this post