Avokati Altin Goxhaj ka komentuar sot gjatë një interviste televizive nismën “Open Balkan”. Sipas tij ,kjo është një lëvizje kundër bashkëpunimit Kosovë Shqipëri e nxitur nga Soros. Goxhaj tha se, kjo lëvizje synon të vulosë fatin e shqiptarëve duke bërë që të vendoset hegjemonia serbe në rajon duke u krijuar në njëfarë mënyrë “Jugosllavia e Re”.
“Ballkani i Shoqërisë së hapur është pyka që çan bashkëpunimin Kosovë Shqipëri. Ballkani i hapur vjen si pjesë e projektit të Soros kundër çështjes shqiptare e cila lidhet kryesisht me shpopullimin. Vetë Rama dje dha një intervistë ku pohoi atë që kam thënë unë në 2018 që Ballkani i Hapur është Jugosllavia e Re. Kjo u vërtetua nga Rama kur tha arsyeja përse ekziston Sorosi është Ballkani i Hapur”, tha ai.
Sipas tij Rama e ishte fjalën pikërisht për këto marrëveshje me Vuçiçin kur tha “Nuk keni parë gjë akoma”. Goxhaj u shpreh se askush nuk duhet të dyshoj që Rama dhe Vucic bashkëpunojnë kundër Kosovës.
Discussion about this post