Nisma “Open Balkan” ka shkaktuar trazira në Rajon dhe jo vetëm, pasi konsiderohet si një nismë që drejtohet nga Vuçiç dhe i jep atij më shumë forcë të dominojë rajonin. Por, Rama dhe mbështetësit e tij vazhdoj ta mburrin këtë nismë edhe duke dalë kundër kritikëve të BE, madje edhe duke lënë më një anë Kosovën. Një nga këto miq të Ramës është edhe biznesmeni Gjergj Luca, i cili jo pak herë është përfshirë në skandale për benefitet dhe tenderët që merr nga miqësia me kryeministrin. Në një video të postuar në rrjetet sociale, Luca, i drejton thirrjen “liderëve të Ballkanit që 1 shtatorin nga ditë ultimatumi ta kthejnë në një ditë bashkimi dhe paqe e të bashkohen të gjithë në panairin e Beogradit”. Deklarata e Lucës bëhet nga bordi i një anije në Norvegji, ku është ngritur dhe flamuri shqiptar. Këtë anije, biznesmeni thotë se e kanë pagëzuar me emrin “Open Balkan’.
“I kemi vënë këtë emër Open Balkan, le të jetë kjo anije dallëndyshja e parë që do bëjë bashkë studentët, shkencëtarë profesorë edhe në vendet që nuk kanë det e do vihet në dispozicion të rinjve për të dhënë mundësi që deti pa kufi të bëhet një nismë për gjithë gardhiqet që kemi në shtëpitë tona, shtetet tona, mendësinë tonë, e të thyejë këto kufij e le të jetë kjo dallëndyshja e parë.
Nëpërmjet kësaj dallëndysheje i bëj thirrje me gjithë shpirt liderëve të Ballkanit që 1 shtatorin nga ditë ultimatumi ta kthejnë në një ditë bashkimi dhe paqe e të bashkohen të gjithë në panairin e Beogradit që është në datë 1 shtator. Me pjesën më të mirë dhe me pjesën më të fortë që lufton për punën, për të vërtetën për të çuar përpara kombet nëpërmjet bashkimit”, është thirrja e Lucës. Duke treguar edhe njëherë raportin që ka me Ramën dhe planet e tyre për të mbajtur të zaptuar qytetarët.
Discussion about this post