Ditën e sotme në mbledhjen e Qeverisë, e dyta brenda javës, janë marrë edhe 2 vendime të që kanë të bëjnë me marrëveshjet e arritura në kuadër të Nismës së ‘Ballkanit të Hapur’.
Njëra prej marrëveshjeve është skema për identifikim elektronik të shtetasve të Ballkanit Perëndimor. Ndërsa vendimi tjetër është për kushtet për akses të lirë në tregun e punës në Ballkanin Perëndimor.
Marrëveshja për akses në tregun e lirë të punës është aktualisht në fuqi mes Shqipërisë dhe Kosovës ndërkohë që me vendimin e ri, zgjerohet “rrethi” duke përfshirë edhe me 2 vende të tjera të Ballkanit Perëndimor, Maqedoninë e Veriut dhe Serbinë në kuadër të nismës Ballkani i Hapur.
Kujtojmë se në takimin e Beogradit, mbledhja u fokusua tek procedurat konkrete. Kreu i qeverisë shqiptare, Edi Rama, Presidenti serb, Aleksandër Vuçiç dhe Kryeministri i Maqedonisë së Veriut, Zoran Zaev kanë nënshkruar një memorandum mirëkuptimi për bashkëpunim, që është publikuar e detajuar në Fletoren Zyrtare.
Ky memorandum parashikon forcimin e marrëdhënieve mes 3 shteteve veçanërisht në fushën e importeve, eksporteve, tregtimin e mallrave dhe lëvizjen e lirë të njerëzve.
Objektivat e Memorandumit:
1) Rritja dhe forcimi i bashkëpunimit ekonomik ndërmjet palëve.
2) Thjeshtimi i procedurave në lidhje me importet, eksportet dhe lëvizjen e mallrave.
3) Shkëmbimi i të dhënave ndërmjet autoriteteve të doganave dhe autoriteteve të tjera.
4) Promovimi, nëpërmjet zgjerimit të tregtisë së ndërsjellë, i zhvillimit harmoni të marrëdhënieve ekonomike ndërmjet palëve.
5) Eliminimi gradualisht i pengesave në tregtinë e mallrave.
Discussion about this post