Në vizitën e tij zyrtare në Serbi, ministri i Jashtëm i Greqisë, Nikos Dendias pas takimit me ministrin e Jashtëm të Serbisë, Nikola Selakoviq është shprehur se ka zhgënjim për këtë ritëm shumë të ngadaltë të procesit të anëtarësimit të Ballkanit Perëndimor edhe për Serbinë. Ai shtoi se është diskutuar edhe për Ballkanin e Hapur gjë të cilën e ka diskutuar edhe me kryeministrin Rama në Tiranë pak ditë më parë.
“E ardhmja e Ballkanit Perëndimor është në Bashkimin Evropian. Duhet të jem i sinqertë me ju. E kuptoj që ka lodhje dhe e kuptoj se ka zhgënjim për këtë ritëm shumë të ngadaltë të procesit të anëtarësimit të Ballkanit Perëndimor, dhe kjo vlen edhe për Serbinë, një komb i dashur mik. Por, më lejoni të jem gjithashtu i qartë. Ne besojmë se kjo është e vetmja rrugë drejt paqes, stabilitetit dhe prosperitetit për rajonin tonë. Dhe më duhet të them, rajoni duhet të qëndrojë larg premtimeve të rreme dhe ne duhet të trajtojmë çështjen e fuqive revizioniste që duan të kthejnë orën e rajonit tonë prapa, në mënyrë që të ringjallin Perandoritë e vjetra dhe të përpiqen të rivizatojnë hartën e Ballkani. Nuk mund të lejojmë që kjo të ndodhë” – u shpreh Nikos Dendias.
Discussion about this post