Kryeministri Edi Rama është shfaqur sërish kritik ndaj Kosovës të cilës i kërkon që të bashkohet në nismën Ballkani i Hapur.
Gjatë deklaratës për mediat në samitin e Ballkanit të Hapur që po mbahet në Ohër, Rama mori shembullin e marrëdhënies mes SHBA-së dhe Japonisë për të cilën tha se megjithëse dikur janë hedhur bomba atomike sot këto dy vende kanë lënë pas të shkuarën duke krijuar marrëdhënie të ngushtë mes tyre. Rama theksoi se të njëjtin shembull duhet të ndjekë Kosova me Serbinë dhe të hyrë në rrugën e dialogut.
“Ballkani i Hapur është i rëndësishëm për njerëzit tanë, është i rëndësishëm për hapësirën e përbashkët që lindin fëmijët tanë që nesër fëmijët tanë do të marrin në dorë fatet e vendit tonë. Në Këshillimin Kombëtar ishin mbi 60% që ofronin mbështetje për Ballkani i Hapur, një shifër që do të ishte më e larta nëse do të ishte bërë pas konfliktit në Ukrainë. Ne e dimë shumë mirë për të ditur marrëdhënien e Rusisë me Serbinë. Mes Serbisë dhe Kosovës ka ende konflikt të pazgjidhur këto i dimë gjitha. Por nuk mund të qëndrojmë me kurriz nga e ardhmja por të shikojmë përpara. Sot jemi këtu sepse duam të vazhdojmë drejt të ardhmes pa i mbyllur sytë për problemet e pazgjidhura. Problemet zgjidhen vetëm duke u afruar dhe të kuptojmë sa të rëndësishëm jemi me njëri tjetrin. SHBA ka hedhur dy bomba atomike në Japoni, por sot Japonia dhe SHBA kanë marrëdhënien e ngushtë”, u shpreh Rama.
Discussion about this post