Në kuadër të nismës “Open Balkans”, kryeministri Edi Rama mbërriti sot në Beograd, ku është shfaqur i buzëqeshur teksa është pritur në aeroportin “Nikola Tesla” nga ministri i Jashtëm serb, Nikola Selakoviç.
Ndërkohë në mungesë të kryeministrit të dorëhequr Zoran Zaev, Maqedonia e Veritu do të përfaqësohet nga zëvendës kryeministri Nikola Dimitrov. Mbrëmjen e sotme, presidenti serb Aleksandar Vuçiç do të shtrojë një darkë për Ramën dhe Dimitrov, ku do të marrë pjesë edhe kryeministri i Malit të Zi, Zdravko Krivokapiç.
Ditën e nesërme, të tre politikanët do të bisedojnë në Pallatin e Serbisë me përfaqësuesit e kompanive nga Serbia, Shqipëria dhe Maqedonia e Veriut, e më pas me përfaqësuesit e Këshillit Atlantik. Më pas të tre së bashku do të mbajnë një konferencë për media me temë “Ballkani i Hapur”.
Edhe në këtë takim të gjashtë të “Open Balkan” që mbahet në Beograd, Kosovë do të mungojë sërish. Zyra e Kryeministrit të Kosovës ka deklaruar për mediat se nuk ka pasur një ftesë. Më tej është përsëritur qëndrimin se nisma “Open Balkan” është një nismë pa vizion për rajonin dhe se nismat rajonale duhet të kenë prezencën e BE-së.
Discussion about this post