Kryeministri Edi Rama ka deklaruar se në samitin vijues të “Open Balkan”, pas atij që do të mbahet në shkurt, do të ftohen të marrin pjesë Italia, Greqia dhe Hungaria. Rama u shpreh se nuk mjaftojnë prodhuesit tanë që të kenë tregti të lirë plotësisht si ata në BE dhe kanë nevojë për më pak pengesa.
“Ne kemi vendosur sot të ftojmë në 6 muajt në vijim sepse na duhet të përgatitemi mirë. Ndërkohë që në samitin e ardhshëm do trajtojmë barrierat tarifore. Në samitin vijues duam të kemi Italinë, Greqinë dhe Hungarinë për ta nisur me ne në samitin e Ballkanit të Hapur. Nuk mjaftojnë për prodhuesit tanë që të kenë tregti të lirë plotësisht si ata në BE. Kanë nevojë të kenë më pak pengesa kur mbërrijnë në BE. Do përpiqemi ta sjellim, ta bëjmë procesin bashkë për tregun e përbashkët të rajonit. Kjo është mënyra si ndihmon Ballkani i Hapur. kush do na besonte se duam të sigurojmë rrugë më të mira nëse nuk e tregojmë me vepra që jemi në nivelin e ambicies dhe sjelljes së BE”, tha Rama.
Më herët, tre liderët thanë se për herë të parë do të nisë tregtimi i produkteve të bulmetit dhe kafshëve të gjalla mes tre vendeve.
Discussion about this post