Një tjetër konferencë e “Open Balkan” do të mbahet në Beograd më 24 nëntor, vetëm dy ditë para takimit të qeverive të Shqipërisë dhe Kosovës që mbahet më 26 nëntor. Këtë herë, konferenca pritet të mbahet në parlamentin e Serbisë, me pjesëmarrjen e kryeministrave të tre vendeve pjesëmarrëse, përfshi dhe kryeministrin Edi Rama.
Mësohet se, në konferencë pritet të marrin pjesë edhe i dërguari amerikan për Ballkanin Perëndimor Gabriel Eskobar dhe i dërguari i BE-së për Ballkanin Perëndimor Mirosllav Lajçak.
Në konferencë pritet të ketë propozime konkrete për funksionalizimin e nismës “Open Ballkan” dhe krijimin e mekanizmave të përbashkët midis tre vendeve, si një bankë rajonale për zhvillim apo një autoritet i përbashkët doganor.
Takimi për “Open Balkan”, u mbajt para dy javësh në Serbi, ku kryeministri Rama deklaroi se në dhjetor nisma do japë rezultate konkrete, ndërsa nga janari fillon një relaksim për fermerët, distrubutorët dhe kompanitë.
Discussion about this post