Kuvendi pritet të mblidhet këtë të enjte në orën 10:00, ku një ndër pikat në rendin e ditës është interpelanca e thirrur nga deputeti i PD-së Tritan Shehu me kryeministrin Edi Rama.
Sipas njoftimit zyrtar, Shehu ka thërritur në interpelancë Ramën në lidhje me platformën e tij politike dhe hapat e ndërmarrë për nisëm e “Open Balkan”.
Në kërkesën e depozituar më 19 tetor në Kuvend, deputeti demokrat rendit 14 pika në lidhje me këtë temë, ku kërkon të dijë avantazhet dhe dobitë në procesin e bashkëpunimit rajonal, teksa e cilëson si një nisme të presidentit serb Aleksandër Vuçiç.
Nisma rajonale e “Open Balkan” e iniciuar nga kryeministri Rama, presidenti serb Alexandër Vuçiç dhe kryeministri në ikje i Maqedonisë së Veriut Zoran Zaev, ka shkaktuar mjaft debate jo vetëm në vendin tonë, por edhe në Kosovë, të cilët e konsiderojnë si një projekt të Vuçiç dhe kanë refuzuar të jenë pjesë.
Discussion about this post