Presidentja e Republikës së Kosovës, Vjosa Osmani, ka thënë se ideja e “Open Balkan”, e inciuar nga kryeministri Edi Rama, presidenti serb Alexandër Vucic dhe kryeministri i Maqedonisë së Veriut, Zoran Zaev, është e rrezikshme dhe se vonon integrimin evropian të rajonit.
Gjatë një takimi në Gjermani, Osmani tha se ideja për “Open Balkan” është tentativë për të zëvendësuar “Procesin e Berlinit”, teksa shtoi se një gjë e tillë është e pamundur dhe se s’do të lejohet të ndodhë.
“Open Balkan është i rrezikshëm, dhe vonon integrimin evropian. Provon të zëvendësojë Procesin e Berlinit, gjë që është e pamundur dhe ne nuk do të lejojmë që të ndodhë”, ka thënë Osmani.
Ditën e djeshme, në konferencën e përbashkët me kancelaren Angela Merkel, kryeministri Rama kritikoi Kosovën duke thënë se po merret me teori konspirative në vend që të bashkohet në iniciativa rajonale.
Nuk vonoi as përgjigja e kryeministrit Albin Kurti, i cila pas takimit me Merkelin u shpreh qartë se Prishtina nuk do të përfshihet në këtë iniciativë, pasi “Procesi i Berlinit” është i mjaftueshëm për rrugën europiane.
