Në një konferencë të përbashkët për shtyp për nismën e “Open Balkan”, presidenti serb Alexandër Vuçiç bëri të ditur se së bashku me kryeministrin Rama dhe zv.kryeministrin e Maqedonisë së Veriut, Nikola Dimitrov kanë rënë dakord për të ngritur Këshillin e Zbatimit dhe përbërjen e tij.
Vuçiç tha se tre liderët kanë pasur një takim me përfaqësues të bizneseve nga të tre vendet, të cilët janë në favor të kësaj nisme.
“Patëm një takim mjaft të rëndësishëm me përfaqësues nga komiteti i biznesit në të tre vende, ne vendosëm që bizneset janë në favor të kësaj nisme. Ajo për të cilën ramë dakord është se çfarë do të bëjmë në të ardhme, kjo është një nismë jashtëzakonshme, e cila u bë për njerëzit në çdo qytet të vendit tonë. Ne ramë dakord të ngrinim Këshillin e Zbatimit dhe përbërjen e tij. Do të ketë takime me përfaqësuesit doganorë për të analizuar situatën me qarkullimin e lirë të mallrave dhe shërbimeve”, tha Vuçiç.
Presidenti serb informoi se takimi i radhës rreth kësaj nisme do të mbahet në Tiranë, pas Krishtlindjeve, datë të cilën do ta vendosë kryeministri Rama.
Discussion about this post