Një 25-vjeçar në Tiranë, i cili shpërndante drogëra në kryeqytet ka rënë në prangat e bluve të Tiranës sot. Gjatë operacionit “Autostrop”, 25-vjeçari, i identifikuar si I.L është arrestuar për veprën penale “Prodhimi dhe shitja e narkotikëve”. Policia gjatë kontrollit në makinë i gjeti 3 kg e 400 gramë të dyshuar narkotike cannabis sativa. Bëhet me dije gjithashtu se gjatë operacionit u procedua në gjendje të lirë shtetasi K.A, 22 vjeç dhe C.D, 20 vjeç, të cilët ishin me të riun në makinë.
Sipas bluve trafikanti është kapur në flagrancë duke shitur lëndë narkotike në zonën e “Ali Demit”.
“Shërbimet e Policisë kanë lokalizuar mbrëmjen e djeshme, në rrugën “Ali Demi”, automjetin me drejtues shtetasin I. L. dhe pasagjere shtetasen C. D. Shtetasi I . L., pasi ka ndaluar automjetin, i ka dhënë nga dritarja, shtetasit K. A., një sasi lënde të dyshuar narkotike, e cila u sekuestrua në cilësinë e provës materiale.”-njofton policia.
Discussion about this post