Me finalizimin e një operacioni kundër lojërave të fatit, Policia Korcë ka kallëzuar në prokurori 3 efektivë policie. Bëhet me dije se, pas kontrolleve të kryera në disa ambiente ku janë gjetur sasi vlerash monetare, njësi kompjuterike, televizorë dhe pajisje të tjera për ushtrimin e veprimtarisë të lojërave të fatit në kundërshtim me ligjin, SHÇBA ka arrestuar organizatoret dhe janë shpallur në kërkim disa persona që po luanin.
Ndërsa, bëhet me dije se referoi materiale shtesë për veprën penale “Shpërdorimi i detyrës” parashikuar nga neni 248 i Kodit Penal në gjendje të lirë për 3 punonjës policie: S.H., 63 vjeç, Ndihmës Specialist i Policimit në Komunitet në Komisariatin e Policisë Devoll; P.A., 62 vjeç, Ndihmës Specialist i Policimit në Komunitet në Komisariatin e Policisë Korçë, Bashkia Pustec dhe A.P., 61 vjeç, Ndihmës Specialist i Policimit në Komunitet në Komisariatin e Policisë Korçë.
Gjithashtu, polica ka arrestuar në flagrancë shtetasi B.J., 43 vjeç, i dyshuar për veprën penale “Organizimi ose ushtrimi i veprimtarisë të lojërave të fatit në kundërshtim me ligjin”. Ndërsa janë shpallur në kërkim 4 persona të tjerë.
Discussion about this post