Policia e Shtetit e Shtetit zhvilloi një mega-operacion antidrogë në të gjithë vendin, në përfundim të të cilit ka deklaruar shkatërrimin e 23 grupeve që shpërndanin drogë.
Policia tha se ekzekutoi masat e sigurisë për 233 persona, ndërkohë që arrestoi në kushtet e flagrancës 30 të tjerë.
Policia njoftoi se kishte kapur një sasi të madhe dozash lënde narkotike, përfshi edhe drogë të panjohur më parë në tregun shqiptar.
“Bëhet fjalë për grup, që janë shpërndarës të lëndëve narkotike. Nuk ka diçka konkrete se mes këtyre personave mund të ketë financues për trafikimin e lëndëve narkotike. Behët fjalë për lëndë të ndryshe, kokaina, heroina, ekstazi dhe hashash, i cili është në forma të ndryshme siç ishte forma më e re në formë xhelatinoze që ka ardhur nga Kanadaja”, tha gazetarja Etleva Delia në ABC.
Ajo tha se droga në formë xhelatinoze është më e fortë se hashashi i zakonshëm dhe kushton më shumë.
“Është hashash i përpunuar në një formë, që ka efekt më të fortë se hashashi dhe kushton edhe më shumë. Është i bëri në atë formë, që ngjajnë si karamele. i përket hetimeve që ta caktojnë se kush e ka sjell në Shqipëri”, tha ajo.
Discussion about this post