Një operacion i madh antidrogë u zhvillua mbrëmjen e të premtes në Tiranë dhe zona të tjera përreth kryeqytetit, ku u zbuluan dy laboratorë droge. Aksioni përfshiu kontrolle të gjera, duke përfshirë rezidencën e VIP-ave te Kodra e Diellit dhe një banesë private në Qerekë të Niklës, ku u zbuluan laboratorët e drogës.
Operacioni u zhvillua nën drejtimin e SPAK dhe në bashkëpunim me autoritetet ligjzbatuese spanjolle. Ka qenë një hetim disa mujor që çoi në zbulimin e laboratorëve të drogës.
Operacioni është shtrirë në disa qytete të vendit, në Durrës, Elbasan, Kavajë, në zonën e Niklës me qëllim arrestimin e personave të përfshirë në këtë veprimtari kriminale.
Struktura e Posaçme Anti-Korrupsion ka lëshuar mbi 10 urdhër-arreste, ku 5 prej tyre janë ekzekutuar, ndërsa forcat e policisë vijojnë punë për arrestimin e personave të tjerë.
Ende nuk është dhën asnjë infomacion zyrtar mbi sasinë e kokainës të sekuestruar dhe identitetin e personave të arrestuar.
Dyshohet se personat e arrestuar kanë bashkëpunuar edhe me grupe të huaja kriminale.
Discussion about this post