Operacioni “Bregdeti” ka rinisur sot me prishje të ndërtimeve të paligjshme në qytetin e Sarandës, ky në vijimësi të operacionit të qershorit. Aksioni ka nisur me prishje të ndërtimeve të paligjshme në kurorën e qytetit për të vijuar mandej në brendësi. Nga burime zyrtare mësohet se janë rreth 22 objekte të konstatuara, 6 në qytetin e Sarandës dhe 16 në Ksamil.
Kujtojmë se pak ditë më parë operacioni i iniciuar për prishjen e ndërtimeve pa leje në zonat rreth bregdetit shqiptar, vijoi shembjen e objekteve edhe në Dhërmi.
Lajmin e ka bërë të ditur ministri Bledi Çuçi përmes një postimi në Facebook, teksa shkruan se operacioni do të vijojë dhe askush nuk do të tolerohet.
Bledi Çuçi është konfirmuar në detyrë si ministër i Brendshëm për mandatin e tretë të qeverisë Rama, ku nesër pritet të bëhet votimi i ministrave.
