Apeli i Tiranës ka liruar nga burgu Taulant Çokun, një nga personat e arrestuar në operacionin e policisë në zonën e quajtur “Varri i Bamit” në Tiranë.
Taulant Çoku është i vetmi që ka lënë qelinë. Gjykata e Shkallës së Dytë në Tiranë ka vendosur të ndryshojë masën e sigurisë nga “arrest në burg” në masën “detyrim paraqitje”.
Çoku ka deklaruar para grupit hetimor se ka qenë pronari i biznesit që jepte makina me qira dhe se nuk kishte asnjë lidhje me trafikun e lëndëve narkotike.
Edhe anëtarët e tjerë të grupit, Gentian Kore, Altin Gega dhe Erjon Prengaj kanë apeluar ndryshimin e masës, por janë lënë në burg.
