Operacioni i RENEA, gjenden 4 trupat e pajetë në Liqenin e Banjës

Polumbarët e RENEA kanë arritur të gjejnë 4 trupat e pajetë që u mbytën pasditen e sotme në Liqenin e Banjës në Gramsh.

Pas rreth 90 minutash kërkime, polumbarët e RENEA kanë arritur të gjejnë trupat e pajetë, ndërsa familjarët e viktimave kanë shpërthyer në lot.

Viktimat e tragjedisë së Liqenit të Banjës janë babai dhe dy djemtë, si dhe një kushëri i tyre. Arben Zogu 46 vjeç dhe dy djemtë e tij, Rubens Zogu 19 vjeç e Esti Zogu 14 vjeç, si dhe kushëriri i tyre Melsi Zogu 20 vjeç, kishin shkuar në Liqenin e Banjës për tu larë, ndërsa nuk arritën dot të dilnin në breg.

Ende nuk dihet se ccfarë ka ndodhur dhe si kanë rrjedhur ngjarjet, ndërsa policia u njofyua nga të afërm të viktimave rreth orës 19:00 të së premtes.