Policia ka shoqëruar edhe një oficere të Drejtorisë së Kufirit dhe Emigracionit në kuadër të një operacioni të urdhëruar nga SPAK.
Nga raportimet mësohet se mes emrave që janë arrestuar pasditen e së hënës është edhe Jonida Babameto, duke e çuar në 4 numrin e personave që janë ndaluar brenda pak orësh.
Më parë janë ndaluar edhe Erzen Breçani dhe një nga djemtë e tij, E. Breçani, si dhe shefi i Krimeve në Komisariatin nr 6, Dedan Gjoni.
Në kërkim në kuadër të këtij operacioni që duket se është faza e dytë e operacionit “Metamorfoza”, është edhe biznesmeni Ervin Mata, një emër i njohur për drejtësinë, pas përplasjes që ka patur me bosin e lojërave të fatit, Ervis Martinaj, në një lokal në ish-Bllok në vitin 2018.
Mbi 11 të dyshuarit për të cilët janë lëshuar urdhër arreste pas zbërthimit të mesazheve nga aplikacioni i koduar “SKY EÇ” rëndojnë akuza për pastrim parash, grup i strukturuat kriminal, trafik dorge, sigurim kushtesh për të kryer vrasje, shpërdorim detyre dhe përkrahje e autorit të krimit.
Raportohet se operacioni ende nuk është mbyllur. SPAK urdhëroi arrestimet me akuzat që nisin nga krijimi i kushteve për vrasje, te përkrahja e autorit të krimit, pastrim parash, trafik droge, të gjithë këto në kuadër të grupit të strukturuar kriminal.
Discussion about this post