Një operacion me urdhër të SPAK po zhvillohet në Tiranë.
Sipas informacioneve paraprake SPAK ka firmosur 11 urdhërarreste, punonjës policie dhe ish-punonjës policie. Mes emrave që janë shoqëruar është edhe ai i Erzen Breçanit.
Gjithashtu raportohet se Policia ka arrestuar edhe një nga djemtë e Breçanit. Mes të arrestuarve është edhe shefi i krimeve në komisariatin nr 6 në Tiranë, Dedan Gjoni.
Nuk dihet se me çfarë akuze po arrestohen ish-punonjësit dhe punonjësit e policisë, por disa javë më parë Drejtori i Përgjithshëm i Policisë së Shtetit paralajmëroi finalizimin e një operacioni të tillë. Nga raportimet mësohet se Policia ka ekzekutuar 7 nga 11 urdhërarrestet.
Nga të dhënat e para ata akuzohen si pjesë e një grupi të strukturuar kriminal, sigurim kushtesh për vrasje, trafik droge, shpërdorim detyre, pastrim parash dhe përkrahje të autorit të krimit.
Erzen Breçani ka qenë një ndër ish-drejtuesit e Policisë së Shtetit në qeverisjen e PD-së dhe u largua nga rradhët e policisë, sapo socialistët morën pushtetin dhe në krye të ministrisë së Brendshme u emërua Saimir Tahiri. (vijon)
Discussion about this post