Ish-kryetari i Partisë Demokratike, Lulzim Basha ka reaguar pas operacionit të SPAK për inceneratorët, ku u lëshuan nëntë masa sigurie për personat e përshirë, por pa futur në rrjetë asnjë “peshk të madh”.
Basha shkruan në Facebook se arrestimet e sotme janë punë e PD, ndërsa shton se Komisioni për Inceneratorët, faktoi sipas tij që qeveria e Ramës është e korruptuar.
“Arrestimet e sotme, janë si rezultat i punës së jashtëzakonshme dhe profesionale të Partisë Demokratike në Komisionin Hetimor Parlamentar, por kjo nuk mjafton. Komisioni faktoi se urdhëruesit dhe përgjegjësit kryesorë të kësaj afere janë ministra dhe kryeministri. Asnjë shqiptar nuk e beson se një aferë kaq e madhe korruptive është bërë pa dijeninë e Edi Ramës. Qeveria e tij është e korruptuar. Me këta, shqiptarët nuk mund të kenë mirëqenie”, shkruan Basha.
Discussion about this post