Eksperti i kriminalistikës, Fatjon Softa ka paralajmëruar se priten të arrestohen emra të njohur të policisë dhe organeve ligjzabtuese.
Në një intervistë, duke komentuar operacionin e fundit të urdhëruar nga SPAK, pas zbërthimit të aplikacionit SKY, paralajmëroi arrestime në rang funksionarësh dhe ish-funksionarësh edhe të organeve ligjzbatuese.
“Është një server i ruajtur nga shteti francez. Zbërthimet kanë sjellë përgjime dhe zbardhje të ngjarjeve të ndryshme fatkeqësisht përfshihen dhe funksionarë të Policisë së Shtetit.
Po flasim për një Metamorfoza 2. Operacioni ende në zhvillim e sipër, deri tani kemi dy emra të lakuar ish-nëndrejtori i policisë së Tiranë sapo ishte shefi i komisariatit nr.2 dhe ish shefi i krimit në komisariatin nr.2 dhe aktualisht shef i krimeve në komisariatin nr.6.
Akuzat janë të rënda. Breçani ka akuza të renda pasi ka qenë një nga njerëzit më profesionistë të asaj fushe. i takon drejtësisë e cila duhet të japë prova dhe ti vërtetojë këto përgjime.
Ky është vetëm fillimi do të kemi emra të njohur për njerëz që kanë qenë funksionarë dhe janë funksionarë. Do të jetë një periudhë ku do të kemi arrestime të bujshme me persona të njohur të policisë apo organeve ligjzbatuese. Janë operacione surprizë. Breçani ka pasur autoritet dhe ndihem i surprizuar për të. Këto aplikacione apo hetimi që ka bërë SPAK ka arritur në këtë përfundim. Flasim për grup të strukturuar”, tha Softa.
Discussion about this post