Avokati Genc Gjokutaj u shpreh mbrëmjen e sotme në emisionin “Çim Peka Live” se nëse mijëra faqe hetime nga prokuroria belge nuk kanë ardhur në Shqipëri me letër porosi, atëherë nuk vlejnë për një proces gjyqësor.
Duke komentuar operacionin e SPAK, Gjokutaj tha se e habit fakti që Belgjika ka hetuar në mënyrë aq intensive në Shqipëri.
“Duhet të kemi informacion se në ç’formë kanë ardhur në Shqipëri këto letra zyrtare sepse ky është problemi ngaqë mund të jenë vetëm letra bakalli dhe nëse ato 18 mijë faqe kanë ardhur me çantë dhe jo si e parashikon ligji nuk përbëjnë provë në proçes.
Nëse nuk ka letër porosi këto janë letra që i duhen këtij burrit që ndodhet në krye të pushtetit gjoja për të goditur krimin në vend. Letër porosia është i vetmi instrument që ne kemi për prova që vijnë nga jashtë. Mua më çudit fakti që këto persona që na dalin në kërkim po dalin nga dy herë si rasti i Martinajt dhe këto dokumenta që kanë ardhur nga jashtë në mënyrë ligjore sepse nëse jo, do të dalin jashtë shumë shpejt”, tha Gjokutaj.
Discussion about this post