Prokuroria e Posaçme (SPAK) ka lëshuar rreth 30 urdhër-arreste, teksa po ekzekuton një operacion kryesisht në qytetin e Elbasanit, por edhe në disa qytete të tjera të vendit si në Tiranë dhe Durrës.
Urdhër-arrestet mësohet se janë lëshuar pas zbërthimit të bisedave në aplikacionin e enkriptuar “Sky Ecc”, një aplikacion që është përdorur nga elementët e krimit të organizuar.
Shumica e urdhër-arresteve janë për personazhe të krimit të orgamnizuar, teksa nuk mungojnë fletë-arrestet edhe ndaj zyrtarëve.
Vetëm dy ditë më parë, pas ç’kodimit të bisedave në “Sky Ecc”, u vu në pranga kryeprokurori i Vlorës, Aurel Zarka dhe u shpallën në kërkim ish-oficerja e Krimeve të Rënda, Eriona Daupaj, avokati Radovan Çela dhe shtetasi me inicialet A.V.. Kreu i Prokurorisë së Vlorës, Aurel Zarka akuzohet nga SPAK për vepra penale të korrupsionit dhe ushtrimit të ndikimit të paligjshëm në katër çështje penale që lidhen me dosjen e “Toyota Yaris” si dhe një hetim pasuror të Suel Çelës.
Në orët në vijim priten me shume detaje për këtë operacion.
Lexo edhe:
Discussion about this post