Biznesmeni ka reaguar lidhur me operacionin që u zhvillua sot me urdhër nga prokuroria për kapjen e autorëve që dhunuan dhe grabitën banesën e tij. Në pranga ra Saimir Kuçi dhe u shpall në kërkim Artan Prenga. Në një deklaratë për mediat biznesmeni ka mohuar njohjen me autorët.
“Kam qenë në policinë e Krujës sot. Nuk njoh asnjërin nga personat që janë lakuar si të arrestuar apo të shpallur në kërkim. Janë edhe persona të tjerë që duhen identifikuar, sepse në banesën time kanë qenë 7-8 persona, i kemi parë me sy”, tha ai.
I pyetur rreth detajeve që atij i kanë kërkuar apo e kanë pyetur në polici, Nazmiu u përgjigj shkurt. Ndërsa në lidhje me aludimet se në banesën e tij ishin marrë dokumente me vlerë, ai e mohoi këtë gjë.
“Në polici folëm për punët tona. Ça dokumentesh thua mor vlla. Në shtëpi dokumenta të banesës dhe të tokave kam, dyqan ça kam, ça do jenë?!“, deklaroi Çangu.
I pyetur për persona të tjerë që ai mund të ketë dyshime se janë përfshirë në grabitje, ai tha se nuk di asgjë dhe se ua ka lënë autoriteteve ta zbardhin.
Discussion about this post