Tre persona janë arrestuar nga policia ndërkohë që tre të tjerë janë shpallur në kërkim pasi janë kapur duke transportuar 14 emigrantë të paligjshëm me automjetet e tyre. Sipas policisë ata u kishin marrë 200 euro secilit me premtimin për kalimin drejt vendeve të BE.
Policia njofton se në pranga janë vënë konkretisht personat e identifikuar si S. R., 29 vjeç, banues në Tiranë, T. M., 44 vjeç, banues në Tiranë dhe M. H., 26 vjeç, banues në Librazhd, ndërkohë që po punohet për kapjen e P. M., B. M. dhe N. Q.
Materialet në ngarkim të tyre i kaluan Prokurorive së Rretheve Gjyqësore Korçë dhe Pogradec për veprën penale “Ndihma për kalim të paligjshëm të kufijve” kryer në bashkëpunim. / A. L Gijotina.com /
