Sulmuesi i Barcelonës, Martin Braithwaite i është nënshtruar një ndërhyrjeje kirurgjikale për shkak të një shqetësimi në gjurin e majtë.
Përtej këtij lajmi aspak të mirë për tifozët e ‘Blaugrana’ më tronditëse ka qenë deklarata që ka ardhur nga klubi në lidhje me gjendjen e lojtarit.
Në një postim në rrjetet sociale stafi mjekësor i Barcelonës deklaron se është gabuar në lidhje me trajtimin mjekësor që i kanë bërë lojtarit danez.
Dëmtime të tilla, që prekin si femurin ashtu edhe patelën, kërkojnë ndërhyrje kirurgjikale. Ky operacion u krye nga mjekët Juan Carles Monllau dhe Jordi Puigdellívol, nën mbikëqyrjen e mjekëve të klubit bëri me dije Barça.
Vetë mjekët e klubit e trajtuan gabim lojtarin kur u përpoqën ta rikuperonin me një metodë të zakonshme të fizioterapisë. Madje më skandaloze ishte fakti se ata e futën në fushë futbollistin për të testuar veten të shtunën e kaluar, me rezultate të tmerrshme.
Tashmë danezit do i duhet të mungojë për një minimum prej tre deri në katër muaj, kështu që ai nuk do të luajë më në 2021.
Kjo ngjarje shqetëson shumë klubin, i cili sezonin e kaluar dha simptoma të qarta të çekuilibrave në trajtimin dhe diagnostikimin e deri në shtatë lojtarëve: Pique, Araujo, Fati, Coutinho, Dembele, Sergi Roberto dhe Pedri./K.T/Gijotina.com
