Mesfushori i Egnatias, Majkëll Agbekpornu ka kaluar me sukses operacion teksa ditën e sotme ka dalë nga spitali. 23-vjeçari ishte titullar fiks për rrogozhinasit deri në momentin e dëmtimit duke lënë një boshllëk të madh për skemat e Maganit.
Futbollisti u dëmtua në ndeshjen ndaj Kastriotit në shtëpi teksa humbi më pas duelin me Laçin. Vetë klubi ka postuar një foto të Agbekpornu që shikohet i shtrirë në karrocë me gjurin e fashuar. 23-vjeçari pritet t’i mungojë Egnatias për 1 muaj duke humbur shumë ndeshje të rëndësishme teksa do të jetë gati pas pauzës së kombetareve.
