Ditën e sotme, ministrja e Financave, Delina brahimaj është përballur me një sërë kritikash nga opozita në Komisionin e Ekonomisë. Situata u tensionua edhe më shumë kur, Ibrahimaj deklaroi se buxheti 2022 ka si qëllim uljen e borxhit publik, subvencionimin e fermerëve dhe rritjen e të ardhurave. Ka qenë i pari kreu i LZHK, Dashamir Shehi, i cili tha se qeveria po bie në kontradiktë me veten, njëherë thotë që duhet të marrë një borxh të ri në vitin që vjen, tani deklaron se ka si qëllim të reduktojë borxhin. Sipas tij, nuk është aspak hap i mirë të marrësh borxh për të shlyer një borxh të ri.
Nga ana tjetër, deputeti i PD, Arbër Agalliu, i kërkoi ministres që qeveria të rishikojë dhe njëherë këtë projektbuxhet pasi faktet tregojnë që borxhi vetëm po rritet. Sipas tij, është tallëse që ministrja e Financave vjen dhe përpara të gjithë shqiptarëve që e ndjekin jep deklarata kontradiktore për rritjen e borxhit publik. Edhe deputetët e tjerë të PD, janë revoltuar nga kjo deklaratë e ministres, duke thënë se në asnjë pikë të tijën projektbuxheti 2022 nuk lë hapësira për të nisur reduktimin e borxhit publik. E.H/ gijotina.com/
Discussion about this post