Deputetët e Grupit Parlamentar të Partisë Demokratike janë duke zhvilluar ditën e sotme një mbledhje në lidhje me agjendën opozitare dhe parlamentare që do të ndjekin në vijim. Sipas raportimeve në media gjatë mbledhjes ka patur diskutime nga disa deputetë.
Mësohet se deputeti Ervin Salianji ka bërë thirrje ndaj kolegëve duke thënë se “shoqëria nga ne kërkon ndryshim, duhet të ribëhemi”.
Nga ana tjetër deputeti Dashnor Sula ka vendosur në fokus tentativat e mazhorancës për të patur një opozitë të dobët. Sula ka thënë se Rama kërkon që ne më shumë të qahemi për hallet tona se për hallet e shqiptarëve. “Propozoj që të krijojmë një PD të re, PD-në e rithemelimit. De-jure PD është Basha edhe pse s’ka anëtarë. Partia e re s’do të na bëjë të përsëritet 14 Maji ”.
Në mbledhje ka reaguar dhe kryedemokrati Sali Berisha i cili në një linjë me kolegët ka shtuar: “Jemi duke iu nënshtruar një padrejtësie të qëllimshme dhe të lig për të na mbyllur çdo hapësirë.Nuk krijojmë parti të re, legjitimojmë një padrejtësi. Nuk është e vështirë të gjejmë një emër apo të bëjmë një logo.”
Nga ana tjetër në fjalën e tij të diskutimit deputeti Xhelal Mziu ka thënë se: “Jemi në presion ndërkombëtar dhe nga zoti Berisha.”
Discussion about this post