Deputeti i PD-së dhe kandidati zyrtar i opozitës për bashkinë e Tiranës, Belind Këlliçi ka reaguar sërish në lidhje me sulmin ndaj kryedemokratit, Sali Berisha.
Sipas tij, të gjitha faktet të çojnë në një emër: Edi Rama.
Në një postim në rrjtet sociale, ai paralajmëron të tjera protesta nga opozita.
“Nga të gjithë faktet që disponojmë dhe të gjitha burimet që përcjellin informacion në Partinë Demokratike, të shpien në një emër: Edi Rama! Sulmi ndaj Sali Berishës është orkestruar me synimin për të shpërfytyruar opozitën në një kundër-reagim agresiv, për të gjeneruar dhunë në një protestë paqësore.
Opozita shqiptare dhe Sali Berisha nuk i shkuan pas fillit këtij skenari, duke i hequr Ramës mundësinë për të bërë kurban opozitën në sy të ndërkombëtarëve. Opozita nuk bie knock out. Protestat do të vazhdojnë”, shkruan ai.
Discussion about this post