Kombëtarja shqiptare do të ndeshet mbrëmjen e sotme në orën 20:45 në ‘Wembley’ me Anglinë në takimin më të rëndësishëm kualifikues të Botërorit ‘Katar 2022’.
‘Kuqezinjtë’ vijnë në këtë sfidë me 15 pikë në 8 ndeshje të luajtura duke u renditur në vendin e tretë të grupit I me 2 pikë diferencë nga Polonia e vendit të dytë dhe 5 pikë më pak se kundërshtari i kësaj sfide që renditet në vend të parë.
Mundësitë që përfaqësuesja jonë të mund të kalojë në fazën e ‘Play-off’ të Botërorit janë vetëm dy, një është që kuqezinjtë të marrin dy fitore ndaj Anglisë sonte, që është e pamundur në letër, dhe ndaj Andorës dhe në të njëjtën kohë që Polonia të humbasë një prej sfidave të saj, atë kundër Hungarisë.
Ndërsa mundësia tjetër është që të dalim me një pikë nga sfida e sotme, pra të marrim një barazim dhe të fitojmë me Andorën me 15 nëntor në ‘Air Albania’ dhe njëkohësisht Polonia të marrë minimumi të marrë një humbje ndaj Hungarisë dhe një barazim ndaj Andorës.
Të dyja këto duken alternativa thuajse të pamundura, megjithatë një surprizë e tillë do ishte shumë e bukur.
Dy lojtarët më të mirë të kësaj sfidë janë Jack Grealish për ‘Tre Luanët’, ndërsa për ‘Kuqezinjtë’ më i miri i momentit konsiderohet talenti i Southampton Armando Broja.
Kompanitë e basteve kanë vendosur edhe kuotimet për këtë sfidë, nga të cilat fitorja e Anglisë kuptohet me 1.11, barazimi me 8.50 dhe fitorja e Shqipërisë me 26.00./K.T/Gijotina.com
Discussion about this post