Hungaria nuk do të lejojë demonstrata në mbështetje të “organizatave terroriste”, tha sot kryeministri i vendit Viktor Orban në radion shtetërore, duke shtuar se të gjithë qytetarët hungarezë duhet të ndihen të sigurt pavarësisht nga feja dhe origjina e tyre.
“Është tronditëse që ka tubime në favor të terroristëve në të gjithë Evropën ,” u ankua Orbán.
Organizata palestineze Hamas, e cila nisi një sulm kundër Izraelit të shtunën e kaluar, është cilësuar një organizatë terroriste nga Izraeli, SHBA, BE, Kanada, Egjipti dhe Japonia.
Kryeministri hungarez, një aleat i homologut të tij izraelit Benjamin Netanyahu, tha se Izraeli kishte të drejtë të mbrohej, por shtoi se ishte e rëndësishme që konflikti të mos u përhap në vende të tjera dhe të destabilizojë të gjithë rajonin.
Ish-kreu i Hamasit, Khaled Meshal, ka bërë thirrje që sot të organizohen demonstrata në të gjithë botën myslimane në favor të palestinezëve dhe popujve të vendeve fqinje për t’iu bashkuar betejës kundër Izraelit.
Nëpërmjet Facebook-ut është bërë thirrje për një demonstratë në mbështetje të palestinezëve sot në orën 16:00 (me orën lokale, 17:00 me kohën e Greqisë) jashtë Ministrisë së Jashtme hungareze në Budapest.
“Ka pasur përpjekje edhe në Hungari” për të mbajtur demonstrata pro-palestineze, vuri në dukje Orban, pa iu referuar demonstratës së planifikuar.
“Por ne nuk do të lejojmë lëvizjet simpatizuese që mbështesin organizatat terroriste pasi ato paraqesin rrezikun e një kërcënimi terrorist për qytetarët hungarez,” shpjegoi ai. “Ne nuk mund të lejojmë asnjë hungarez, pavarësisht nga feja apo origjina, të ndihet i pasigurt”, theksoi ai.
Discussion about this post