Kryeministri Edi Rama ka reaguar sërish në Twitter lidhur me deklaratat e ish-kryeministrit Berisha se po e përdor debatin për emigrantët që largohen me gomone në Britani, për pikë politike.
Referuar artikullit të Daily Mail, i cili citonte ish-kryeministrin Berisha që e cilësonte Shqipërinë si vendin më të rrezikshëm në Evropë, Rama thotë se nuk je shqiptar nëse ia beson votën dikujt që sulmon Shqipërinë.
“Çfarë shqiptari je kur ia beson votën dhe përfaqësimin tënd dikujt që sulmon Shqipërinë në gjuhë të huaj? Politikanët që s’kanë asnjë dinjitet me të huajt dhe që luftën politike e eksportojnë në mediat e huaja, janë një llum ku jo besimi po as vështrimi nuk duhet hedhur!”, shkruan Rama.
Çfarë shqiptari je kur ia beson votën dhe përfaqësimin tënd dikujt që sulmon Shqipërinë në gjuhë të huaj? Politikanët që s’kanë asnjë dinjitet me të huajt dhe që luftën politike e eksportojnë në mediat e huaja, janë një llum ku jo besimi po as vështrimi nuk duhet hedhur!
— Edi Rama (@ediramaal) November 7, 2022
Sakaq ditën e djeshme Rama i cilësoi si trup deklaratat dhe deklaroi se vetëm “shërbëtorët e së keqes” mund të lëshojnë në gjuhë të huaj deklarata të tilla kundër Shqipërisë.
Lexo edhe: Berisha zotohet për rrëzimin e Ramës: Protestat s’do të ndalojnë
Kryetari i Partisë Demokratike, Sali Berisha thotë se kryeministri Edi Rama po e shndërron çështjen e shqiptarëve që largohen në Britani në luftë të brendshme për të fituar pikë politike, ndërsa e akuzoi se përdor gjuhën “gjuhën e një njeriu ordiner”.
Discussion about this post