Gjykata ka dënuar me 17 vite burg ish-nënkomisarin Festim Lelaj pasi akuzohet se është përfshirë në trafikun e 2.5 tonë drogë.
Lelaj, nënkomisari i Fierit u arrestua 5 dhjetor 2017 si personi që ka organizuar trafikimin e 2.5 tonë drogë nga Shqipëria në drejtim të Italisë, sipas prokurorisë, ka qenë pjesë e një zinxhiri policor që janë implikuar me grupet e trafikut të drogës në Vlorë dhe se kishte njohje të afërt me Renaldo Avduli, polici i Vlorës i shpallur në kërkim për “Trafik të narkotikëve”.
Sipas Prokurorisë ka dyshime të forta se nënkomisari Lelaj ka lidhje me grupet kriminale që kultivonin lëndën narkotike në zonën e Treblovës dhe Vezhdanishtit. Në një vendim të Gjykatës së Lartë vërtetohet shoqëria mes dy policëve Renaldo Avduli dhe Festim Lelaj. Në këtë vendim,të datës 15 shtator 2014 thuhet se Renaldo Avduli është tentuar të vritet për hasmëri nga personi i identifikuar me emrin Satilno Basho, por ka qenë ndërhyrja e Festim Lelaj që ka ndihmuar Avdulin nga kjo ngjarje kriminale.
Discussion about this post