Organizoi vrasjen e kunatit të tij në Itali, arrestohet 30-vjeçari/ Bashkëpunoi me motrën dhe…

Policia e Lezhës ka vendosur në pranga një 30-vjeçar, i cili akuzohet se organizoi vrasjen e kunatit të tij në Itali në vitin 2020.

Gëzim Gjini ishte i shpallur në kërkim ndërkombëtar dhe do të ekstradohet drejt shtetit fqinj.

Ai dyshohet se bashkëpunoi me motrën e tij dhe një mik për kryerjen e krimit. 30-vjeçari u lokalizua nga uniformat blu në aksin rrugor Lezhë-Milot.

“Shtetasi G. Gj. akuzohet se është organizator i vrasjes së bashkëshortit të motrës së tij, shtetasit P. C., vrasje e kryer me mjet prerës, në Rocca Priora, Itali, më datë 13.12.2022, në bashkëpunim me 2 shtetas të tjerë”, raportojnë uniformat blu.

Njoftimi i Policisë:

Specialistët e strukturave hetimore  dhe forcat operacionale të Drejtorisë Vendore të Policisë Lezhë, të koordinuara me Interpol Tiranën dhe në bashkëpunim me partnerët italianë, kanë vijuar operacionin policor ndërkombëtar të koduar “Infra Atlas”, i cili po zhvillohet aktualisht në disa shtete dhe koordinohet nga Sekretariati i Përgjithshëm i Interpolit në Lion, me qëllim arrestimin e të gjithë shtetasve të implikuar në një vrasje të kryer në Rocca Priora, Itali, më datë 13.12.2022.