Eni Koçi dhe Genc Prelvukaj kanë organizuar së fundmi babe shower-in për fëmijën që pritet të vijë në jetë. Dyshja e artistëve konfirmuan përmes një videoje të ëmbël, të publikuar disa javë më parë, se do të bëhen prindër të një vajze. Së fundmi, ata kanë mbajtur dhe festën për vogëlushen e tyre.
Meqë me 5 korrik këngëtarja festoi ditëlindjen e saj të 26-të, ajo mbrëmë pati festë të dyfishtë, atë të ditëlindjes dhe të festës së bebit. Ka qenë vetë këngëtarja, e cila ka ndarë pamje me ndjekësit nga ambienti që është dekoruar deri në detaje. Videon e ka shoqëruar me këngën e tyre “Ama”.
Sigurisht, në festë nuk kishte se si të mungonte dhe tezja, Greta Koçi, e cila ka ndarë gjithashtu një moment të këndshëm në rrjet.
Kujtojmë se, Eni dhe Genci janë në pritje të një vajze dhe lajmin e ndanë me ndjekësit përmes këngës së tyre të fundit me titull “Ama”.
Ata po ashtu kanë kurorëzuar edhe dashurinë e tyre në martesë, ndonëse ende nuk kanë realizuar dasmë. Genci dhe Eni po jetojnë prej vitesh një histori shumë të bukur dashurie, teksa në 3 nëntor të 2018 artisti i bëri një super propozim në Plavë këngëtares.
Kujtojmë se ata janë martuar që prej vitit 2019 dhe këtë e kishin mbajtur sekret dhe e bënë të ditur vetëm disa javë më parë kur Eni postoi një foto të tyre me fustan nusërie dhe kostum duke shkruar: “Zoti dhe Zonja Prelvukaj, të martuar që prej vitit 2019”.
View this post on Instagram
View this post on Instagram
Discussion about this post